པར་རིས་ལམ་ནས་ཤིང་ཏོག་བཟས་པའི་ཕན་ནུས་འགའ་གླེང་བ།

རྫིང་བུ་དང་སྦལ་པ་ཕྲ་ཆུང་།

སྦལ་པ་ཁྲ་ཆུང་།

 མནའ་སྔ་མོ་མེ་ཏོག་གྲོང་ཚོ་ཞེས་པ་ཞིག་ཡོད། ལུང་པ་དེའི་མདོ་ལ་ཞིང་པ་དང་། ཕུ་ལ་སྤང་ལྗོངས་དང་། རྫིང་བུ། སྤང་རི། གངས་རི་བཅས་ཡོད། སྤང་སྟེང་དུ་སེར་ཆེན་མེ་ཏོག་དང་། འཇའ་སྐྱེད་མེ་ཏོག མེ་ཏོག་ཀུནྡ། མེ་ཏོག་ཀུ་མུད། གུར་ཀུམ་མེ་ཏོག་སོགས་སྐྱེས་པ་དང་། ད་དུང་རི་དྭགས་ཤ་བ་དང་། གོ་བ། རྐྱང་། རི་བོང་སོགས་རྩ་ཆུར་རོལ་བཞིན་ཡོད། སྤང་ལྗོངས་ཀྱི་གཡས་ཕྱོགས་སུ་རྫིང་བུ་ཞིག་ཡོད་ཅིང་། དེའི་ནང་རུས་སྦལ་དང་། སྦལ་པ། ཉ་ཆུང་། ཅུང་མོ། ངང་པ་སོགས་འཚོ་བཞིན་ཡོད་པ་དང་། དེའི་མཐའ་འཁོར་དུ་པདྨའི་མེ་ཏོག་སྐྱེས་ཡོད།
རྫིང་བུའི་ནང་སྦལ་པ་ཁྲ་ཆུང་ཞེས་པ་ཞིག་ཡོད། ཁོ་ནི་སྲོག་ཆགས་ཆུང་ཆུང་དེ་དག་གི་ནང་ནས་དབང་ཆེ་ཤོས་རེད། ཉིན་ལྟར་སྲོག་ཆགས་ཆུང་ཆུང་དེ་དག་གིས་རྔན་པ་ཞིམ་པ་རྣམས་སྦལ་པ་ཁྲ་ཆུང་ལ་སྤྲོད་དགོས། གལ་སྲིད་མ་སྤྲད་ན། ཁོས་རྡུང་གི་ཡོད། ད་དུང་ང་ནི་རྫིང་བུ་འདི་ཡི་རྒྱལ་པོ་ཡིན་པས། ཚང་མས་ངའི་བཀའ་ལ་ཉན་དགོས་ཞེས་འུར་ཤོབ་བཤད་ཀྱི་ཡོད།
ཉིན་ཞིག་ཞིང་པ་གཅིག་གིས་སེར་ཉ་ཆུང་ཆུང་ཞིག་རྫིང་བུ་དེ་ཡི་ནང་འཚེ་ཐར་བཏང་པ་རེད། སེར་ཉ་ཆུང་ཆུང་དེ་ཡིས་སོ་སོའི་སྲོག་ཐར་བ་དང་། དགའ་ཐག་ཆོད་ནས་ཆུ་སྐྱེལ་བཞིན་བཞད་བཏང་། སྐྱིད་པ་ལ། དགའ་བ་ལ། ཚེ་ཐར་ཐོབ་སོང་། བཀའ་དྲིན་ཆེ། བཀའ་དྲིན་ཆེ། སེམས་བཟང་གྱི་ཞིང་པ་ལགས། ་་་་་་་་་
དེའི་སྐབས་ཅུང་མ་གཅིག་གྲེལ་གྲེལ་ཚུབ་ཚུབ་ངང་སེར་ཉ་ཡི་འགྲམ་དུ་ཡོང་པ་དང་། ཤུད་་་་ཤུད་ཅེས་འབོད་བཞིན། ཝ་ཡེ། ཉ་སེར་པོ། ཁ་རོག་བསྡད་ན་ལེགས། ཞེས་བཤད།
སེར་ཉ་ཡིས། ངའི་མིང་ལ་སེར་ཉ་ལྷ་མོ་ཟེར། ཁྱོད་ཀྱི་མཚན་ལ་གང་ཟེར་ཞེས་བྲིས།ཅུང་མ་ཡིས། ངའི་མིང་ལ་ཅུང་མ་པད་ལྷ་ཟེར། ཁྱོད་ཀྱིས་རྫིང་བུ་འདིའི་སྒྲིག་ལམ་ཤེས་ཀྱི་མེད་པ་འདྲ་ཞེས་ཧང་སང་བའི་ངང་བཤད་ཞོར་ཕར་ཚུར་བལྟས་ནས་གཞན་མེད་པ་ཤེས་རྗེས། སྦལ་པ་ཁྲ་ཆུང་གི་སྤྱོད་ངན་རྣམས་རེ་རེ་བྱས་འགྲེལ་བཤད་བརྒྱབ།
དེ་དག་ངང་པས་གོ་བ་དང་། ཀོ་འག་་་ ཀོ་འག། ཅེས་སྐད་བརྒྱབ་པ་དང་། ཆུ་ཡི་ནང་མགོ་བཙུད་ནས། སེར་ཉ་ཆུང་ཆུང་ཁྱོད་རླུང་རྟ་བརྒྱུགས་འདུག། ད་ལྟ་སྦལ་པ་ཁྲ་ཆུང་པདྨའི་ལོ་མ་སྟེང་དུ་གཉིད་ལ་ཤོར་འདུག། དེ་མིན་ཁོའི་སྐད་གཅིག་པོས་ཁྱོད་རྡར་སིག་ཤོར་གྱི་རེད། ཁྱོད་མཉམ་ཆུང་བྱེད་མ་གཏོགས་སྦལ་པས་རྡུང་ཡོང་ཤེས་བཤད།
སེར་ཉ་ཆུང་ཆུང་དེས་སྦལ་པ་དེ་རྫིང་བུ་འདི་ནས་འབུད་ཐབས་མ་བྱས་ན་འགྲིག་པ་མི་འདུག་བསམས།
དེ་ནས། སེར་ཉས་ཅོག་ལགས། ཁྱེད་ཚོས་རུབ་བརྒྱབ་ནས་འབུད་ན་འགྲིག་གི་རེད་པ། ཞེས་བཤད།
ག་ནས་ག་ནས། ཁོ་ཤུགས་ཆེན་པོ་ཞེ་དྲག་ཡོད་རེད། ང་ཚོར་དེ་འདྲ་བྱེད་ནུས་པའི་བློ་ཁོག་ཀྱང་མེད། ཅེས་ཅུང་མས་བཤད།
སེར་ཉས་ཁྱོད་ཚོས་སྦལ་པ་ཁྲ་ཆུང་འབུད་འདོད་དམ། ཞེས་བྲིས།
ཅུང་མས། འདོད་དང་འདོད། ཡིན་ནའང་་་་།
སེར་ཉས་ཅུང་མའི་སྐད་ཆ་བཤད་མཚམས་བཅད་དེ་ངང་པ་ལ་ལྟ་བཞིན། ངང་པ་ལགས། ཁྱོད་ཀྱིས་ངང་པ་རོགས་པ་ཞིག་ཁྲིད་ཤོག་དང་། སྦལ་པ་སླེབས་སྐབས། སྦལ་པས་གང་བཤད་པ་ལྟར་བྱེད་ཨང་ཞེས་བཤད།
དེ་ནས་ཅུང་མ་ལ་ཁ་གཏད་ནས། ཅུང་མ་ལགས། སྦལ་པ་གཉིད་སད་དུ་རྒྱུག་ཅེས་ལབ་པ་དང་། དེ་རྗེས་སེར་ཉས་སྐད་ཤུགས་ཆེན་པོས། སྐྱིད་པོ་མི་འདུག། རྫིང་བུ་ཆུང་ཆུང་། སྐྱིད་པོ་མི་འདུག། རྫིང་བུ་ཆུང་ཆུང་། སྐྱིད་པོ་མི་འདུག་་་་་་ཅེས་བཞད་གཏོང་བཞིན་པའི་སྐབས།
ལྦལ་པ་ཁྲ་ཆུང་བསླེབས།
 སེར་ཉའི་འགྲམ་པར་འགྲམ་ལྕག་གཅིག་ཞུས་པས། སེར་ཉ་ཕར་ཙམ་ཐོར། སེར་ཉས་རིལ་གྲབ་རིལ་གྲབ་བྱེད་བཞིན་ང་ལ་བཞུ་མཁན་སུ་ཡིན་ཞེས་ཁོང་ཁྲོའི་ངང་བྲིས།
སྦལ་པས། ཀོར་་་ཀོར་ཞེས་ངར་སྐད་འདོན་བཞིན་ངས་བཞུས་ཡིན། ཉ་སེར་ཁྱོད་གང་ནས་ཡོང་ཡིན། ཧམ་པ་ཚ་མདོག་ཡོང་། ངའི་རྫིང་བུའི་ནང་ཡོང་བ་མ་ཚད་ངའི་སྡོད་ས་ལ་དམའ་འབེབ་ཀྱི་བཞད་གཏོང་དགོས་པའི་རྒྱུ་མཚན་གང་ཡིན་ཞེས་བྲིས་ཏེ། ཡང་བསྐྱར་ཞུ་བར་ཕྱིན་པས།
སེར་ཉས། ཨོ་འོ། རྒྱལ་པོ་སྦལ་པ་ལགས་རེད་འདུག། དགོང་པ་མ་འཚོམ། ང་ཁྱེད་གདན་འདྲེན་ཞུ་བར་ཡོང་ཡིན། ང་ཚོའི་རྒྱ་མཚོའི་ནང་གི་རྒྱལ་པོ་སྦལ་ཆེན་ལགས་ཀྱིས་ཁྱེད་ཁོང་གི་ཚ་བོ་ཡིན་པ་ཤེས་འདུག། བྱས་ཙང་། ང་ཁྱེད་བསུ་བར་ཡོང་ཡིན་ཞེས་བཤད།
སྦལ་པས། རྒྱ་མཚོ། སྦལ་ཆེན་ཞེས་ཆིག་ལབ་བརྒྱབ་རྗེས། ངང་པ་འབོད་ནས། རྒྱ་མཚོ་དང་སྦལ་ཆེན་ཟེར་ན་གང་རེད་ཅེས་བྲིས།
ངང་པས། ང་ཚོ་ཚང་དུ་ལོག་སྐབས། ང་ཚོའི་རྫིང་བུ་འདི་ལས་རྒྱ་ཆེ་བའི་རྫིང་བུ་ཞིག་འདུག། གཞན་གྱིས་ཟེར་ན། དེ་ནི་རྒྱ་མཚོ་རེད་དང་། དེའི་ནང་རྒྱ་པོ་ཁྱེད་རང་འདྲ་བ་ཆེན་པོ་ཞིག་ཡོད་པ་རེད་ཟེར། འོན་ཀྱང་། ངས་ཞིབ་ཕྲ་ཤེས་ཀྱི་མེད་ཞེས་ལན་བཏབ།
སྦལ་པས་ཏོག་ཙམ་ཁུ་སིམ་པོར་བསྡད་པ་དང་། དེ་ནས་སེར་ཉ་ལ་བྱས་ན། ང་ཁྱོད་ཚོའི་སྐུ་འགྲོན་ལ་གང་འདྲ་བྱས་ནས་འགྲོ་དགོས་ཞེས་བྲིས།
ཁྱེད་ཀྱི་ཆིབ་རྟ་གཞོན་ནས་ཕེབས་མཆོག་གི་རེད་ཅེས་བཤད། སྦལ་པས་ངའི་ཆིབ་རྟ་ཨས་ཞེས་ཡ་མཚན་པའི་རྣམ་གྱུར་བསྟན།
ངང་པས། སེར་ཉ་ལགས་ཀྱིས་ངེས་གཉིས་ལ་ཟེར་གྱི་ཡོད་བ་འདྲ། འོན་ཀྱང་་་་་ཞེས་བཤད་པ་དང་།
སེར་ཉས་མགོ་སྒུར་ཙམ་སྒུར་ཙམ་བྱེད་གཞོར་ངང་པ་གཉིས་ཀྱི་མཆུ་ཏོས་པདྨའི་ལོ་མའི་སྣེ་རེ་རེ་ནས་འཇུ་བཅུག།
དེ་ནས། རྒྱལ་པོ་ལགས། ཁྱེད་ཀྱི་བཞུགས་ཁྲིར་བཞུགས་དང་། ཁྱེད་ཀྱི་ཆིབ་རྟ་ངང་པས་ལམ་སེང་ཕེབས་སྐྱེལ་ཞུ་ཡི་རེད་ཅེས་བཤད།
སྦལ་པས། ཀོ་རོག་་་་་ཀོ་རོག་ཅེས་དགའ་བའི་རྣམ་གྱུར་སྟོན་བཞིན། སེར་ཉ་ལ་མཐེ་བོ་བསྟན་ནས། ཡག་པོ་འདུག། ཡག་པོ་ཞེ་དྲག་འདུག།
ཁྱོད་ཚོའི་རྒྱ་པོར་ཁྱོད་ལ་བྱ་དགའ་གནང་རོགས་ཞུས་མཆོག་ཅེས་བཤད་ནས་ལོ་མའི་སྟེང་མཆོངས་པ་དང་། ངང་པ་གཉིས་ཀྱིས་སྦལ་པ་སྟེགས་ནས་མཁའ་དབྱིངས་སུ་ཕུར་ཕྱིན།
གང་ཙམ་ནས་སྦལ་པས་གྲོང་མི་རྣམས་ཀྱིས་ཞིང་ཁ་ལ་ཆུ་གཏོང་བཞིན་པའི་ཆུ་ཡུར་ཆེ་པོ་དེ་དག་མཐོང་སྐབས། རྒྱ་མཚོ་དེ་འདྲའི་རིང་བ་ལ་ཨང་བསམ་ནས་མར་འབབ་འདོད་སྐྱེས་ཏེ། ངང་པ། ང་མར་ཕོབས་ཤིག་ཅེས་བཀའ་བཏང་པ་དང་། ངང་པ་གཉིས་ཆུ་ཡུར་ཞིག་གི་འགྲམ་དུ་བབས་ནས། ངང་པ་གཅིག་གིས་འདི་རྒྱ་མཚོའི་ཕྱི་སྒོ་རེད། རྒྱལ་པོ་ཁྱེད་འདི་ནས་ཕར་ཆུ་བསྐྱལ་དགོས། གང་ཙམ་ནས་རྒྱ་མཚོར་བསླེབ་ཀྱི་རེད། ངེས་གཉིས་འདི་ནས་ཕར་འགྲོ་མི་མཆོག། སང་ཉིན་ངེས་གཉིས་ཀྱིས་རྒྱལ་པོ་བསུ་བར་ཡོང་མཆོག་ཅེས་མཉམ་ཆུང་ངང་བཤད།
སང་ཉིན་ཕྱི་མ་དྲག་པར་ཤོག་ཨང་། ད་ཁྱོད་གཉིས་ལོག་རྒྱུགས་ཞེས་བཤད་ནས་ཆུ་ནང་མཆོངས་ནས་བསྐྱལ་ཕྱིན།
སྦལ་པས་ཉིན་གང་ཕྱིན་ཡང་། ཆུ་ཡུར་དང་འདག་དོང་ལས་གཞན་གང་ཡང་མེད་པས། འདག་བག་གིས་མགོ་ལུས་གང་ཚང་བཙོག་བཟོས་པ་མ་ཟད། གྲོད་ཁོག་ལྟོག་པ་དང་། ཐང་ཡང་ཆད། མཐར་སེར་ཉས་རང་ཉིད་ལ་མགོ་སྐོར་བཏང་བ་ཤེས་ཀྱང་བྱ་ཐབས་མེད་པར་ལྷག
དུས་དེ་ནས་བཟུང་། རྫིང་བུའི་ནང་གི་སྲག་ཆགས་ཆེ་ཆུང་རྣམས་འཆམ་མཐུན་ངང་གང་འགའ་གང་སྐྱིད་ཀྱི་འཚོ་བར་ལོངས་སུ་སྤྱོད་རྒྱུ་བྱུང་བ་རེད།

སེར་ཉ་ལྷ་མོ།

རེ་སྒུག་ཟད་སོང་ག་ལེར་ཕེབས།

རེ་སྒུག་བཅོལ་ནས་རེ་ཐག་བཅངས་ཀྱང་ཐག་པ་ཐུང་བ་ཡིན་ནམ་ཡང་ན་རེ་བ་ཆེ་བ་ཡིན་ནམ། གང་ལྟར་རེ་སྒུག་ནི་ཉིན་མོའི་སྨིན་ལམ་བཞིན་མཇའ་ལྟར་ཡལ་སོང་། འོན་ཀྱང་ནུབ་ཕྱོགས་ནས་མཇའ་མཚོན་སྣ་བདུན་ཞིགལྷ་མེར་བཞད་ཡོངས་བ་ནི་རྩོག་དྲི་ཐུལ་བའི་རྩོག་པའི་མེ་ཏོག་ཅིག་རེད་འདུག

གྲལ་ཟིན་གྱི་གྲོགས་མཆོག་ཅིག་ལ་ཕུལ།

ཁ་སྔོན་གྱི་སྤང་ལྗོངས་ན་མཆོངས་རྒྱུག་བྱས་ཤིང་།
ལངས་འཚོའི་འགེག་ཉམས་དང་སྦྲག་ཏེ་ཤེས་བྱིའི་བང་མཛོད་ན་ལྡབ་་གཤོགས་ངོམ་བཞིན་ཕྱིས།
འགོད་སྒྲ་དང་རྣམ་གཡེང་གི་ཞིང་ཁམས་སུ་ང་ཚོས་འཚོ་བཞིན། ཚོ་བ་ལ་རེ་བ་ཅི་ཡང་མེད་པར་འཕུགས་བསམ་གླེང་།
གསར་གཏོད་ཀྱི་བསམ་པ་དང་དཔྱད་ཤེས་ཀྱི་མདུན་སྤོའི་མཆོད་སེམས་མེད་ཀྱང་། དེ་ལ་ཡིད་དབང་འཕྲོག་སྟེ་སྐབས་འགའ་རེར་ལས་འདོད་ཀྱང་བྱས།

ལོ་ངོ་ཉེར་ལྔའི་ནང་གི་རྒྱ་ནག་གི་དཔལ་འབྱོར་འཕེལ་རྒྱས་དལ་ཤོས།

སྤྱི་ལོ་ ༢༠༡༦ ལོའི་ཟླ་ ༡ ཚེས་ ༡༩ ལ་བྷི་བྷི་སིའི་དྲ་ལམ་གྱི་ཚོང་ལས་ཚན་པར་གནས་ཚུལ་སྤེལ་གསལ་ལྟར་ན། ལོ་གོང་མའི་རྒྱ་ནག་གི་འཕེལ་རྒྱས་ཀྱི་བརྒྱ་ ༧.༣ དང་བསྡུར་ན། ༢༠༡༥ ལོའི་འཕེལ་རྒྱས་ཀྱི་བརྒྱ་ ༦.༩ ཡིན་པས། དུས་རབས་ཤིག་གི་བཞི་ཆ་གཅིག་ནང་འཕེལ་རྒྱས་དལ་ཤོས་དེ་ཆག་ཡོད།
རྒྱ་ནག་གི་དཔལ་འབྱོར་འཕེལ་རྒྱས་ནི་གོ་ལའི་དཔལ་འབྱོར་གྱི་ཁ་ལོ་བ་ལྟ་བུར་སྣང་བར་སོང་། དེ་ནི་གོ་ལ་ཁྱོན་ཡོངས་ཀྱི་མ་འཛུགས་བྱེད་པོའི་གཞི་རྒྱ་ཆེ་བའི་ཚོང་དོན་ཁང་ཞིག་ཡིན།
གནས་ཚུལ་ལྟར་ན་རྒྱལ་སྤྱིའི་མ་དངུལ་ཐེབས་རྩས་འདི་ལོའི་རྒྱ་ནག་གི་དཔལ་འབྱོར་འཕེལ་རྒྱས་ཀྱི་བརྒྱ་ ༦.༣ དང་ ༢༠༡༧ ལོར་བརྒྱ་ ༦ ཡིན་པ་ཚོད་དཔག་བྱས་པ་བཤད་འདུག་ཀྱང་། རྒྱ་ནག་གི་གཞུ་འབྲེལ་དཔལ་འབྱོར་འཕེལ་རྒྱས་དམིགས་ཚད་ནི་བརྒྱ་ ༧ བཞག་ཡོད་འདུག།
རྒྱ་ནག་གི་སྲིད་བློན་ལི་ཁེ་ཁོང་གིས་ལས་ཀ་གསར་གཏོད་བྱས་ཡོད་པར་སོང་འཕེལ་རྒྱས་ཉམས་ཞན་དུ་འགྲོ་བ་ནི་ཡོངས་གྲགས་རེད་ཅེས་བཤད་ཡོད།
ཡིན་ན་ནའང་བརྟག་ཞིབ་པ་འགས་དོན་དངོས་ཀྱི་འཕེལ་རྒྱས་ནི་གཞུང་འབྲེལ་གྲངས་ཐོ་སྟོན་པ་ལས་ཀྱང་ཧ་ཅང་ཞན་པ་བཤད་ཡོད་རུང་རྒྱ་ནག་སྲིད་གཞུང་གིས་འཕར་ཆར་ཧེ་བག་ཕྱིན་ཡོད་པ་ངོས་ལེན་བྱེད་ཀྱི་མེད།
དབྱེ་ཞིབ་པས་འཕེལ་ཚད་གང་འདྲ་ཞིག་ཡིན་རུང་བརྒྱ་ཆ་ 6.8 ལས་དམའ་བ་དེས་དཔལ་འབྱོར་གྱི་གཡོ་འགུལ་ཇི་ཆེར་འགྲོ་རྒྱུའི་སྐུལ་སློང་བྱེད་སྲིད་ཅེས་བརྗོད་ཡོད། 

ཉེན་ཚབས་ཆེ་བའི་འབུད་འདེད།

བཅུ་ཕྲག་ཅིག་ལྷག་ཙམ་རིང་གི་འཕེལ་རྒྱས་མྱུར་བའི་བྱུང་རྐྱེན་ལས། རྒྱ་ནག་གི་དཔལ་འབྱོར་འདས་ལོ་གཉིས་ནང་ཤིན་ཏུ་ཉམས་ཞན་དུ་འགྲོ་ངེས་པ་བརྟན་ཡོད། དེ་ནི་ཡོང་ངེས་ཤིག་སྟེ་རྒྱ་ནག་དབུས་གཞུང་གིས་ཕྱིར་ཚོང་དང་མ་འཛུགས་ལ་ཁ་ལོ་བསྒྱུར་རྒྱུ་ལས་ལྡོག་སྟེ་ཉེར་སྤྱོད་དང་ཞབས་ཞུས་སྣེ་ཁྲིད་པའི་དཔལ་འབྱོར་གྱི་ཕྱོགས་སུ་བསྐྱོད་འདོད་པས་ཡིན། མ་ཟད་སྟངས་འཛིན་བྱེད་སྟངས་དེ་ནི་བརྒྱུད་རིམ་དཀའ་ཁག་ཏུ་འགྱུར་གྱིན་ཡོད་པ་རེད།
འགའ་ཞིག་གིས་རྒྱ་ནག་གི་ཉེར་སྤྱོད་བརྒྱུད་དཔལ་འབྱོར་གསར་གཏོད་ཐོག་གི་དམིགས་བེན་དེ་ནི་ནོར་འཁྲུལ་ཡིན་པར་གླེངས་ཀྱི་ཡོད། ཁོང་ཚོས་རྒྱལ་ཁབ་ཅིག་གིས་དེའི་དཔལ་འབྱོར་སླར་གསོ་འགོ་རྩོམ་པར། དེས་ཚད་མཐོའི་འཕེལ་རྒྱས་ཡུན་གནས་ཡོང་བར་གོ་རིམ་ལྡན་པའི་ཐོན་སྐྱེད་ཐོག་ལ་དམིགས་རྒྱང་འཛིན་དགོས་པ་བརྗོད།
ཇོན་ཀྲུཝུ་ (John Zhu) ཡིས་ཟིན་བྲིས་སུ་ཚད་མཐོའི་ཉེར་སྤྱོད་གྱིས་དུས་ཐུང་འཕེལ་རྒྱས་ལ་འཚོ་གོས་སྦྱོར་བར་སོང་། འཕེལ་རྒྱས་ཀྱི་ཁ་ལོ་བ་ཞིག་ལ་མཚོན་ན་རྒྱལ་ནང་ཐོན་བསྐྱེད་རྩ་འབོར་གྱི་འགྲོ་འགྲོན་ཕྱོགས་སུ་དོ་ནན་བྱེད་པ་དེ་ནི་དཔལ་འབྱོར་རིག་པའི་རྣམ་བཞག་རྩ་བ་ནས་མེད་པ་བཤད་ཡོད། ཁོང་གིས་རྒྱ་ནག་གི་ད་ལྟའི་གནས་བབ་ཀྱི་ཡར་རྒྱས་ལ་མ་འཛུགས་གང་མང་ངེས་པར་འཇོག་དགོས་ལ། དེའང་མ་ཉུང་བ་ཞིག་བྱུང་ན། དེས་དུས་ཐོག་ཏུ་རྒྱལ་ཁབ་ཀྱིས་ཉེར་སྤྱོད་དང་ཞབས་ཞུ་སླད་དོ་སྙམ་རང་བཞིན་གྱིས་བཟོ་ཐུབ་ངེས་ཅེས་དང་། ཡང་ཁོང་གིས་འབུད་ལམ་འདི་འདྲ་ཁོོ་ནར་དཔལ་འབྱོར་འབུད་འདེད་བྱེད་པ་ནི་མི་རིང་བར་ཉེན་ཚབས་འཕྲད་ངེས་རེད་ཅེས་བཤད་འདུག དེས་དོན་སྙིང་མེད་པའི་དཔའ་འབྱོར་ཁྲོམ་རྭ་ཞིག་ཏུ་འགྱུར་རྒྱུའི་དྲན་སྐུལ་ཡང་ཡང་བྱས་ཡོད་པ་རེད་དེ། རྒྱ་ནག་ལ་ཧབ་སྤྲིད་རྒྱག་སྐབས། རྒྱལ་ཁབ་གཞན་ལའང་ཆམ་ནད་བགོ་རྒྱུ་ཡིན་པ་དེ་རེད།

ལོ་སྔོན་མར་རྒྱ་ནག་གྱི་མ་སྐང་ཁྲོམ་རྭར་བརྡབ་སིག་བྱུང་བའི་གཏམ་བརྗོད་དེས་མ་འཛུགས་པའི་འདུ་ཤེས་ལ་ཤུགས་རྐྱེན་ཐེབ་ཡོད་ཅིང་། དེ་རིང་གི་ཕྱིར་བསྒྲགས་གྲངས་ཐོས་གནད་དོན་ལེགས་བཅོས་གཏོང་བར་ངེས་པ་མེད་པ་མ་ཟད། ཁ་གསང་པོར་བཤད་ན་གསར་འགྱུར་དེས་རྒྱ་ནག་ཉམས་ཞན་དུ་འགྲོ་བ་ནི་གློ་བུར་དུ་འབྱུང་བ་ཞིག་མིན་པ་བསྟན་ཡོད།
ཉེར་སྤྱོད་དང་ཞབས་ཞུའི་ཐོག་གཞུང་སྐྱོང་མ་འཛུགས་དང་དཔལ་འབྱོར་བཟོ་སྐྲུན་གྱི་གཞན་བརྟེན་ཕར་མ་ཞིག་གི་རྐྱེན་པས་འཕོ་འགྱུར་འགོ་རྩམ་པར་བརྟེན་གཞུང་གིས་འདི་དུས་ཡུན་གང་འཚམས་ནས་རྒྱང་བསྲིང་བྱེད་ཀྱིན་ཡོད། ད་ལྟ་སྣང་ཚུལ་འདི་གཉིས་ཀྱིས་ ༢༠༡༤ ལོའི་དཔལ་འབྱོར་གྱི་བརྒྱ་ ༤༨.༥ ནས་བརྒྱ་ཆ་ ༥༠.༥ ལ་ཟིན་གྱི་ཡོད།
འོན་ཀྱང་། ཨང་ཀི་འདི་དག་ལ་ཡིད་ཆེས་གཙང་མ་བྱེད་རུང་མ་རུང་གང་ལྟར་ཡང་། དངོས་ཡོད་ཀྱི་སེམས་འཚབ་ནི་མ་འོངས་པར་རྒྱ་ནག་གི་དཔལ་འབྱོར་ཇི་ལྟར་ཐབས་སྡུག་ཏུ་འགྲོ་སྲིད་པ་དེ་རེད།
དཔྱད་ཞིབ་པ་འགས་རྒྱ་ནག་གི་གྲངས་ཐོ་ནི་བློས་འགེལ་མི་ཐུབ་པ་ཞིག་སྟེ། འཕེལ་རྒྱས་ཀྱི་གྲངས་དངོས་ནི་དེ་ལས་ཧ་ཅང་ཞན་པ་ཡིན་སྲིད་ཅེས་བཤད་ཀྱི་ཡོད།
ཉེ་ཆར་མངའ་སྡེའི་དཔལ་འབྱོར་གྱི་གྲངས་ཐོས་སྲིད་གཞུང་གིས་བཤད་པ་དེ་ལས་ཀྱང་འཕེལ་ཚད་ཧ་ཅང་དམའ་བ་བསྟན་འདུག་པ་དེ་རེད།

བཞུར་བ་མིན།

དཔྱད་ཞིབ་པས་འཕེལ་ཚད་ཀྱི་བརྒྱ་ཆ་ ༦.༨ ལས་དམའ་བ་ནི་མེ་མདག་གི་ངར་ཤུགས་ཇི་ཆེར་གཏོང་བ་དང་འདྲ་ཞེས་བཤད་ཡོད།
 རྒྱ་ནག་གི་ལོ་འཁོར་དཔལ་འབྱོར་འཕེལ་ཚད་གྱི་གྲངས་ནི་རྒྱལ་ཁབ་གཞན་རྣམས་ལས་གལ་ཆེ་བ་ཙམ་མ་ཟད་ཟླ་རེའི་དཔལ་འབྱོར་གྲངས་ཐོའང་དེ་བཞིན་ཆགས་ཀྱི་ཡོད་དེ། ཁོང་ཚོས་དཔལ་འབྱོར་གྱི་གནས་ཚད་ལ་ཞིབ་ཚགས་ཙམ་བལྟ་རྒྱུ་དང་དེའི་ཁ་ཕྱོགས་གང་དུ་གཏད་ཀྱིན་པའི་གནད་ཚུལ་མཁོ་སྤྲོད་བྱེད་ཐུབ།
རྒྱ་ནག་གི་རེ་གཟའ་མིག་དམར་ལ་འགྲེམ་སྤེལ་བྱས་པའི་ཟླ་རེའི་བཟོ་ལས་ཐོན་བསྐྱེད་དང་སིལ་ཚོང་གི་གྲངས་ཚད་དང་ཕྱི་ཟླ་༡༢ནང་བསྒྲགས་པའི་གྲངས་གཉིས་ཀར་བསམ་ཚོད་བྱས་པ་ལས་ཕྲན་བུའི་ཞན་དུ་ཕྱིན་ཡོད།
ཕྱི་ཟླ་༡༡ གི་བཟོ་ལས་ཐོན་བསྐྱེད་དམ་ཕྱིར་བཙོང་ཟོག་རྒྱ་བསྐྱེད་བྱུང་བའི་བརྒྱ་ཆ་ ༦ ནས་ཕྱི་ཟླ་ ༡༢ གི་བརྒྱ་ཆ་ ༥.༩ ལ་མར་ཟགས་ཡོད། དེ་བཞིན་ཕྱི་ཟླ་༡༡ གི་སིལ་ཚོང་འཕེལ་ཚད་བརྒྱ་ཆ་ ༡༡.༣ ནས་ ༡༡.༡ ལ་ཟགས་ཡོད།
ངལ་རྩོལ་ཁྲོམ་རྭ་དང་སིལ་ཚོང་། བཟོ་ལས་ཐོན་བསྐྱེད་བཅས་ནི་འཕེལ་རྒྱས་ཀྱི་བརྡ་མཚོན་གྱི་ལྡེ་མིག་རེད་ཅེས་ཁེ་ཐོ་རན་ ཡུང་གིས་རྒྱལ་སྤྱིའི་ཚོང་དོན་ལྟ་རྟོགས་ཚོགས་པའི་སྒྲག་གཏམ་ཞིག་ཏུ་བཤད་ཡོད། དཔལ་འབྱོར་གྲངས་ཐོ་གང་འདྲ་ཞིག་ཡིན་རུང་གསར་གནས་འགོ་བརྗོད་ཇི་ཡིན་ལ་མ་གཏོད་པར་དེ་དག་ཁ་ལོ་སྒྱུར་བར་བྱེད་པའི་གླེང་གཞི་དང་འཕེལ་ཕྱོགས་དེ་ལ་བལྟ་རྒྱུ་གལ་ཆེན་པོ་ཡིན། ཁྱེད་ཚོས་རྒྱ་ནག་ལ་དྭངས་ཤེལ་འདིས་བརྒྱུད་ལྟ་སྐབས། ཉམས་ཞན་དུ་འགྲོ་བ་མཐོང་བ་ལས་བཞུར་བ་མཐོང་གིན་མེད་པ་དེ་རེད་ཅེས་ཁོང་མོས་མུ་མཐུད་བཤད་ཡོད།
གཞན་འགས་རེ་གཟའ་མིག་དམར་གྱི་གྲངས་ཚད་དེ་ནི་ངོ་མ་བྱས་ན་ངལ་སེལ་ཞིག་རེད་ཅེས་བརྗོད་ཀྱི་ཡོད།
དཔལ་འབྱོར་རིག་པ་ཀྲོའོ་ནི་ནེ་ཤི་ (Tony Nash) ཡིས་རྒྱ་སྤྱིའི་མ་དངུལ་ཐེབ་རྩས་ཚོད་དཔག་བྱས་པ་ཐེ་བའི་གཞན་མང་པོར་རྒྱལ་ནང་ཐོན་བསྐྱེད་རྩ་འབོར་སྤྱིར་བཏང་བྱས་ན་གྲངས་ཐིག་ནང་ཡོད་རེད་ཅེས་དང་། ཡང་ཁོང་གིས་རྒྱ་ནག་གི་༢༠༡༥ལོའི་འཕེལ་རྒྱས་ནི་སྭོ་ཛར་ལན་ཌའམ་སའོ་ཌི་ཨ་རབ་ཀྱི་ཁྱོན་ཡོངས་ཀྱི་དཔལ་འབྱོར་རྒྱ་ཁྱོན་དང་འདྲ་མཚུངས་རེད། དེ་ནི་ལས་སླ་པོར་བཟོད་བསྲན་བྱེད་ཐབས་གྲལ་བ་ཞིག་རེད་ལ། དེས་ལེགས་འགྲུབ་ཀྱི་གལ་གནད་སྟན་གྱི་ཡོད་ཅེས་ཕྱོགས་བསྡོམ་བྱས་ཡོད།


དབྱིན་ཡིག་དྲ་ལམ།   http://www.bbc.com/news/business-35349576

ང་ཡང་།

གངས་འཁྱག་དང་རེ་སྒུག

གངས་འཁྱག་དང་རེ་སྒུག
འཆར་པ་ཤར་ཤར་དུ་འབབ་ཀྱིན་པའི་གཡར་དཀྱིལ་ལ་སླེབས་ཟིན་ཀྱང
གངས་འཁྱག་ཏུ་འཐིམ་སྟེ་་རྡོ་རྗེ་ཕ་ལམ་ལྟར་གྱུར་བའི་སེམས་པ་ད་དུང་སྡར་སིག་སིག་གིས་འཁྱག་རོམ་གྱི་དབུས་ན་ཅི་ཞིག་ལ་རེ་སྒུག་བྱེད་ཅིང
གངས་ལྷ་མོའི་ཐེའུ་འཁྱག་རོམ་གྱི་སེར་སྲུབས་ལས་འབུར་ཙམ་སྔོན་ཡོང་བས་ མགྱོགས་མྱུར་བརྩེ་དང་གི་ཚ་རླབས་ཤིག་འཕྱུར་ཏེ་དུས་བཞི་གཡོ་བ་མེད་པའི་འཁྱག་ རོམ་ལ་དྲོད་འཇམ་གྱི་ས་བོན་རྒྱས་པར་རེ་སྒུག་བྱེད
ལུས་ཟུངས་ཤིན་ཏུ་ཞན་པའི་ཐེའུ་དེས་རང་ཉིད་ལ་སྟོབས་ཤུགས་ཆེ་སྙམས་ཀྱིས་སྡར་ སིག་སིག་གི་སེམས་པ་དེར་དྲོད་ཁུལ་བྱིན་ཐབས་བྱེད་ལ་སྐབས་རེ་དེས་ཕྱེས་བཟོད་ དཀའི་ངལ་བ་དེ་ནི་ངེས་གཉིས་ཀྱི་ཚེ་སྔོན་བསྐོས་ཐང་ཞིག་ཡིན་པ་སེམས་གསོ་བྱེད་ ཁུལ་བྱེད
སྐབས་རེ་མ་འོངས་པའི་གདོང་ལེན་བྱེད་ནུས་ཀྱི་སྟབས་ཤུགས་ཞིག་ཡིན་པའི་རེ་བ་སྤྲོད།

བ་མཁར།

ཀོབ་ལོ་ནིཡའི་(Cobblonia)བ་མོ་རྣམས་ནི་ས་རྒྱ་ཆེན་པོ་ཞིག་ཏུ་གནས་ཡོད། ས་ཆ་འདི་ནི་སྔོན་ལྗང་གི་རྩས་ཕུན་སུམ་ཚོགས་པར་ཁྱབ་ཅིང་། ཕྱོགས་གསུམ་པོར་ཆུ་ཕྲན་གྱིས་བསྐོར་བ་དང་ཤར་ངོས་སུ་བྲག་རི་ཞིག་ཡོད།
བྲག་རིའི་ཡངས་སྟེང་དུ་བ་མོ་ཧ་ཅང་གི་བློ་གྲོས་ཅན་ཞིག་བསྡད་ཀྱི་ཡོད། མོའི་མིང་ལ་མ་མུ་མཱི་ཅེས་ཟེར། དེ་ནི་ཀོབ་ལོ་ནི་ཡའི་མནའ་བོའི་སྐད་དུ་བློ་གྲོས་ཅན་ལ་ཟེར། བློ་གྲོས་ཅན་དེ་བྲག་ཕུག་ཞིག་ནང་གནས་ཤིང་། ཉིན་གང་ཁུ་སིམ་ངང་བསྡད་ཀྱི་ཡོད། བ་མོ་གཞན་སུས་ཀྱང་མོའི་སྐོར་དེ་འཚམས་ཤེས་ཀྱི་མེད་ལ། གཅིག་གིས་མ་གཏོགས་སུས་ཀྱང་མོའི་སྐོར་དྲིས་མྱོང་མེད་པ་རེད།
མོའི་མིང་ལ་རན་ཌི་ཟེར་ཡང་། གཞན་ཚང་མས་མོ་ལ་མུཀ་ཁ་མུ་མི་ཞེས་འབོད་ཀྱི་ཡོད་ཅིང་། དེ་ནི་བསུན་འཇུག་མཁན་ཞེས་པའི་དོན་ཡིན།

རན་ཌིས་དྲི་བ་གཏོང་འཚམས་རྩ་བ་ནས་བཞག་གི་མེད།
མོས་ཞོགས་ལྟར་དྲི་བ་གསར་པ་ཡོད་པའི་ཐོག་ནས་ལང་ཡོང་གི་ཡོད།
མོས་ཕར། ནམ་མཁའ་ཅིའི་ཕྱིར་སྔོན་པོ་ཡིན་ནམ། ཞེས་དྲིས།
རན་ཌི་ཡི་ཕས། སུས་ཀྱང་ཤེས་ཀྱི་མེད། ཅེས་ལན་བཏབ།
བྱས་ན་ང་ཚོས་དེ་སང་ཉིན་ཁ་མདོག་མུ་མན་ལ་མི་འགྱུར་བ་ཇི་ལྟར་ཤེས་སམ། ཞེས་མུ་མཐུད་དྲིས།
མོའི་ཕས། རན་ཌི། ངས་ཁྱོད་ཀྱི་དྲི་བར་ཉིན་གང་དུས་ཚོད་གཏང་ཐུབ་པ་མིན་འདུག ཁྱོད་རང་ཆུ་ཕྲན་ནང་རྩེད་མོ་རྩེད་བར་མི་འགྲོ་བ་ཅི་ཡིན། ཞེས་བཤད།
མོས་དེ་ལྟར་བྱས།

ཉིན་རྗེས་མར་རན་ཌིས་ཨ་མར། རྩ་གང་འདྲ་བྱས་ཏེ་སྐྱེད་ཀྱི་ཡོད་དམ། ཞེས་དྲིས།
རན་ཌི་ཡི་ཨ་མས། སུས་ཀྱང་ཤེས་ཀྱི་མེད། ཅེས་ཟེར།
བྱས་ན་ཁྱེད་ཀྱིས་དེ་རྒྱུན་མཐུད་ཀྱིས་སྐྱེད་ཀྱིན་པ་ཇི་ལྟར་ཤེས་སམ། ཞེས་རན་ཌིས་མུ་མཐུད་དྲིས།
རན་ཌི། ང་ལ་ལས་བྲེལ་ཡོད། ཆུ་ཕྲན་ནང་རྩེ་བར་རྒྱུག ཅེས་ཨ་མས་ཟེར་བ་དང་། མོས་དེ་ལྟར་བྱས།

བློ་གྲོས་ཅན་བྲག་རིའི་ཡངས་སྟེང་དུ་ཇི་ལྟར་བསླེབས་སམ། ཞེས་རན་ཌིས་བ་རྒན་ཞིག་ལ་དྲིས།
སུས་ཀྱང་ཤེས་ཀྱི་མེད། ཅེས་བ་རྒན་གྱིས་ལན་བཏབ།
དེེས་ན་ཇི་ལྟར།་་་་་་དགོངས་པ་མ་ཚོམ། ང་ཆུ་ཕྲན་ནང་རྩེད་མོ་རྩེ་བར་འགྲོ་གི་ཡིན། ཞེས་རན་ཌིས་བཤད།
བ་རྒན་གྱིས་མགོ་ལྕོག་ཙམ་བྱས།
དུས་དེ་ནས་བཟུང་། རན་ཌི་ལ་མུཀ་ཁ་མུ་མི་མ་ན་ཞེས་འབོད་འགོ་བཙུགས། དེ་ནི་ཆུ་རྐྱལ་ལ་མཁས་པའི་བསུན་གཙེར་ཅན་ཞེས་པའི་དོན་ཡིན།
རན་ཌིས་སུས་ཀྱང་ངའི་དྲི་བར་ལན་འདེབས་ཐུབ་ཀྱི་མིན་འདུག། ང་ཉིན་ལྟར་ཆུ་ཕྲན་ནང་རྩེ་འདོད་མིན་འདུག། ང་བྱ་དངོས་ཁག་ལ་སྦྱང་འདོད་ཡོད། ངས་བློ་གྲོས་ཅན་ལྟར་རྟོགས་འདོད། ང་ཁོང་ལ་སྐད་ཆ་བཤད་ངེས་ཡིན་བསྙམས།
རན་ཌིས་བློ་གྲོས་ཅན་ཐུག་པར་བྲག་སྟེང་དུ་ཇི་ལྟར་འབྱོར་རྒྱུར་ཐབས་ཤེས་ཡུན་ རིང་བཏང་། མོས་བ་མོ་གཞན་རྣམས་ཆུ་ཕྲན་ནང་ཆུ་རྐྱལ་རྒྱག་གིན་པ་དང་། བེའུ་རྣམས་རྩེད་ཁང་ལ་རྩེད་མོ་རྩེདཀྱིན་པ། བ་རྒན་རྣམས་བྷ་ཇོང་རྩེད་ཀྱིན་པ་བཅས་ལ་བལྟས་ཀྱི་ཡོད། (Bajong-བྷ་ཇོང་ཞེས་པ་ནི་རྩེད་མོ་མིག་མང་དང་འདྲའང་དེ་ལས་ཀྱང་དཀའ་བ་ཡོད། བ་མོས་ཁྱོད་ལ་བྷ་ཇོང་རྩེད་མོའི་དོ་ཟླར་ནམ་ལང་ཡང་། ཁས་མ་བླངས་ན་ལེགས་ཀྱི་རེད།)
རན་ཌིས་འཆར་གཞི་ཞིག་དྲན་ཏེ་བ་མོ་ཚང་མ་ཐང་གཤོང་དུ་འདུ་འཛོམས་ལ་འབོད་འགུག་བྱས་པ་རེད།
མོས། ངས་བློ་གྲོས་ཅན་ལྷན་དུ་སྐད་ཆ་བཤད་རྒྱུར་ཐག་བཅད་པ་ཡིན། དེ་ན་ང་ལ་མཐར་ངའི་དྲི་བ་ཚང་མའི་ལན་རྙེད་སྲིད། ཁྱེད་རྣམས་ཀྱིས་ང་ལ་རོགས་བྱ་རྒྱུ་ཡིན་ནམ། ཞེས་དྲིས།

བ་མོ་ཚང་འཛོམས་ཀྱིས་ཁོ་ཚོ་ནང་ཁུལ་མུ་མུར་གྱི་ཡུད་ཙམ་བསྡད་རྗེས་གྲོས་མཐུན་ལ་མོས་པའི་སྐད་བཟང་བརྒྱབ། རན་ཌིས་ཉིན་ལྟར་དྲི་བ་དྲིས་པར་ཁོང་ཚོ་ཡིད་ཐང་ཆད་ཡོད་པ་རེད།
ང་ཚོས་ཁྱོད་ལ་དགོས་མཁོ་གང་དུ་མཆིས་ཀྱང་རོགས་བྱ་གི་ཡིན། ཞེས་བ་རྒན་ཞིག་གིས་སྐད་བརྒྱབ།
རན་ཌིས་དེ་མ་ཐག་ཏུ་འགོ་བཙུགས། མོས་མོ་རང་གི་ཕར་བྲག་རིའི་ཞབས་སུ་ལང་བཅུག་པ་དང་། དེ་ནས་མོའི་ཨ་མ་ཡར་འཛེགས་ཏེ་ཕའི་སྒང་དུ་ལང་བཅུག། དེ་རྗེས་བ་མོ་གཞན་ཞིག་ཡར་འཛེགས་ཏེ་ཨ་མའི་སྒང་དུ་ལང་བཅུག། ཡང་བ་མོ་གཞན་ཞིག་ཡར་འཛེགས་ཏེ་དེའི་སྒང་དུ་ལང་བཅུག། དེ་ལྟར་མུ་མཐུད་པས་ཀོབ་ལོ་ཎིཡའི་བ་མོ་ཚང་མ་ཡར་འཛེགས་ཟིན་ཏེ། རན་ཌི་ཁོ་ན་མཐིལ་དུ་ལྷགས།
ཁོ་ཚོས་འཛམ་གླིང་ནང་བ་མཁར་རིང་ཤོས་བརྩེགས་པ་རེད།
རན་ཌིས་བ་མོ་གཅིག་རྗེས་གཉིས་རྗེས་ཀྱིས་མཁཪ་གི་ཡང་རྩེར་མ་བསླེབས་བར་ག་ ལེར་འཛེགས། མོ་བྲག་རྩེར་འཇུ་ཐུབས་ཚོད་ཀྱི་འཚམས་དེར་མཁར་རླུང་གིས་རྒྱབ་མདུན་ལ་འགུལ་འགོ་ བཙུགས། མཁར་རྒྱབ་མདུན་ལ་འགུལ་བར་བརྟེན་རན་ཌི་ལ་བྲག་རྩེར་མཆོངས་རྒྱུ་ལས་ཐབས་མེད་པར་ སོང་། མོས་དེ་ལྟར་བྱས་མ་ཐག་མཁར་ཉིལ་འགོ་བཙུགས་པ་དང་བ་མོ་རྣམས་གཅིག་ཐོག་གཅིག་ བརྩེགས་ཀྱིས་ལྷུང། རང་ཌི་ཡིས་མཆོངས་ཐུབ་པ་རེད།
བ་མོ་ཚང་མ་མཐིལ་དུ་ཐལ་བྲེལ་ཐེབས་སྐབས་སུ། ཪན་ཌིས་བྲག་ཕུག་ཕྱོགས་སུ་བཞུད་སོང་། མོས་བློ་གྲོས་ཅན་གྱིས་ཇ་ཧུབ་འཐུང་བྱེད་ཀྱིན་པ་མཐོང་།
ཝེ་ཡཱ། ཇ་ཕོར་བ་གང་འཐུང་ངམ། ཞེས་བློ་གྲོས་ཅན་གྱིས་དྲིས།
མིན། ཐུགས་རྗེ་ཆེ། ང་རང་གི་དྲི་བ་ཚང་མར་ལན་ལོན་པར་འོང་བ་ཡིན། ཞེས་རན་ཌི་ཡིས་ལན་བཏབ།
བློ་གྲོས་ཅན་གྱི་བ་མོ་དེས་ཇར་ཧུབ་ཅིག་བརྒྱབ་སྟེ།
ངས་དྲི་བ་གཅིག་རང་ལ་ལན་བརྒྱབ་ཀྱི་ཡིན། ཞེས་བཤད།
རན་ཌེས་དེར་ཡིད་མ་ཆེས་པར། དྲི་བ་གཅིག། མོར་དྲི་འདོད་པའི་དྲི་བ་ཧ་ཅང་མང་པོ་ཡོད་ཀྱང་། མོས་དྲི་བ་གཅིག་རང་བཟོ་དགོས་ངེས་ལ་སོང་། དེ་ནི་མོས་བསམས་པའི་དྲི་བ་གལ་གནས་ཆེ་ཤོས་ཡིན་དགོས་གཤིས། མོར་འཛམ་གླིང་ནང་གིས་བྱ་དངོས་གང་ལས་ཤེས་འདོད་པ་ཆེ་ཤོས་དེ་གང་ཡིན་ནམ།
རན་ཌིས་ག་རེ་འདྲི་དགོས་ཤེས་པ་རེད། དེ་ནི་འཛམ་གླིང་ནང་གི་བ་མོ་བློ་གྲོས་ཆེ་ཤོས་ཀྱིས་ལན་འདེབས་ནུས་པ་ཞིག་ཡིན།
ངས་རང་གི་ལས་དབང་ཇི་ལྟར་འཚོལ་དགོས་སམ། ཞེས་རན་ཌིས་དྲིས།
བློ་གྲོས་ཅན་གྱིས་ཇ་ཕོར་མར་བཞག་པ་དང་རན་ཌི་ལ་བལྟས་ནས་འཛུམ་ཙམ་བྱས་ཏེ། མཆོག་ཏུ་གྱུར་པའི་དྲི་བ་ཞིག་རེད། ཚིག་”འགྲོ་ཡུལ་” ཞེས་པ་ནི་”ལས་དབང་” ལས་ཡོང་བ་དང་། ལན་ཞིབ་ཕྲ་ཚུད་ཡོད། ཁྱོད་རང་ད་ལྟ་བྲག་རི་ཧ་ཅང་མཐོ་པོ་ཞིག་གི་སྟེང་དུ་སྡོད་བཞིན་ཡོད། དེ་ཁྱོད་ཀྱི་མཐར་ཐུག་རེད། འོན་ཀྱང་། ཁྱོད་རང་ཇི་ལྟར་བསླེབས་སམ། གོམ་པ་དང་པོ་དེ་ག་རེ་རེད་དམ། ཞེས་དྲིས།
ང་ལ་ལན་ཅི་ཡང་མ་རྙེད་པར་ཡིད་ཐང་ཆད་སོང་བར་བརྟེན་ང་འདིར་འཛེགས་ཡོང་བ་ཡིན། ཞེས་རན་ཌིས་བཤད།
གོམ་པ་དང་པོ་ནི་ང་འཕྲད་པར་ཡོང་རྒྱུའི་ཐག་གཅོད་དེ་རེད། འགྲོ་ཡུལ་དུ་འབྱོར་རྒྱུའི་གོམ་པ་དང་པོ་ནི་དེར་འགྲོ་བར་ཐག་གཅོད་ཞིག་ཡོད། འདི་ལ་འདམ་ག་ཟེར། དེ་རྗེས་ཁྱོད་ཀྱིས་ག་རེ་བྱས་སམ།
ངས་བ་མོ་ཚོར་ང་ལ་མཁར་ཞིག་བཙིགས་རོགས་བྱེད་རྒྱུའི་རེ་སྐུལ་ཞུས་པ་ཡིན། འོན་ཀྱང་ངས་ཁོ་ཚོས་རོགས་བྱས་པའི་རྒྱུ་རྐྱེན་ཁོ་ན་ནི་ངའི་དྲི་བར་མ་དགའ་བ་ སོང་ཙང་རེད་བསམ་གྱིས། ཞེས་རན་ཌིས་ལན་བཏབ།
བློ་གྲོས་ཅན་གྱིས། ཕལ་ཆེར་ཡིན་སྲིད། ཁྱོད་ཀྱིས་དྲིས་པའི་དྲི་བས་བ་མོ་གཞན་རྣམས་ལ་རོགས་བྱེད་སེམས་བསྐྲུན་པ། གང་ལྟར་ཁྱོད་ཀྱིས་རྟོགས་རུང་མ་རྟོགས་རུང། ཁྱོད་རང་གི་འབད་བརྩོན་ལ་བརྟེན་ཏེ་ཁྱོད་ཀྱིས་ཧ་ཅང་མཐོན་པོར་འཛེགས་ཐུབ་ཡོད། འདི་ལ་ལས་འགན་ཟེར། དེ་བཞིན་མཐའ་མའི་གོམ་པ། ཞེས་དྲིས།
རེད་ཡ། ངས་ཡར་འཛེགས་མ་ཐག་མཁར་མ་འགྲིལ་གོང་བྲག་སྟེང་དུ་མཆོངས་བ་ཡིན། ཡིན་ནའང་ངས་ཇི་ལྟར་བྱས་པ་མཐོང་མ་སོང་།་་་་
བློ་གྲོས་ཅན་དེས་སྐད་ཆའི་བར་བཙངས་སྟེ། འདི་ལ་འཕར་མཆོང་ཟེར། དེར་མ་ཟད་ཅི་ཡང་མེད་པར་འབྱོར་བ་ནི་འགྲོ་ཡུལ་ལ་རིན་ཐང་མེད། འདམ་ག་དང་། ལས་འགན། འཕར་མཆོང་། དེ་དག་ནི་ཁྱོད་ཁྱོད་རང་གི་འགྲོ་ཡུལ་ལ་ཇི་ལྟར་འབྱོར་བྱེད་དེ་རེད་ལ། དེ་དག་ནི་ཁྱོད་ཁྱོད་རང་གི་ལས་དབང་ཇི་ལྟར་རྙེད་བྱེད་རེད། མ་ཟད་ངས་སྔོན་དུ་བརྗོད་ཟིན་པ་བཞིན། ཁྱོད་ད་ལྟ་འདིར་སྡོད་ཀྱིན་པ་སོང་། ཁྱོད་ཀྱིས་ང་ལ་སང་ཉིན་དྲི་བ་གཞན་འདྲི་ཆོག་གི་རེད། ད་ལྟ་ང་གཉིས་ཇ་འཐུང་། ཞེས་བཤད།
ཉིན་དེར་རན་ཌིས་བློ་གྲོས་ཅན་ལ་མོ་རང་གི་བློར་ཡོད་པའི་དྲི་བ་ཆ་ཚང་དྲིས།
དེ་ལྟར་ལོ་མང་མུ་མཐུད་དེ་མཐར་ཉིན་ཞིག་རན་ཌི་གཉིད་སད་སྐབས། བླ་གྲོས་ཅན་བཞུད་ཟིན།
རན་ཌི་བྲག་རྩེར་གནས་ཤིང། བྲག་ཕུག་ཏུ་འཚོ་བཞིན་པ་དེ་ལྟར། བློ་གྲོས་ཅན་ཞེས་དམའ་སའི་བ་མོ་ཚང་མས་ངོས་འཛིན་བར་གྱུར། བ་མོ་ཆུང་ཆུང་ཆུ་རྐྱལ་ལ་ཤིན་ཏུ་མཁས་པར་གྱུར་བ་གཅིག་གིས་མ་གཏོགས་་་
སུས་ཀྱང་མོའི་སྐོར་ཤེས་ཀྱི་མེད་ལ། སུས་ཀྱང་མོའི་སྐོར་དྲིས་མེད།

ཁྱི་སྤྱང་སྔོན་པོ།

ཐེངས་ཤིག་ནགས་ཚལ་ཞིག་ནང་ཁྱི་སྤྱང་གི་མིང་ལ་ཁ་ཁུ་ཌར་མ་ཞེས་ཤིག་ཡོད། ཉིན་གཅིག། ཁ་ཁུ་ཌར་མ་གྲོད་པ་ལྟོགས་ཐག་ཆོད་ནས། གྲོང་ཚོའི་ཉེ་འཁོར་དུ་ཟས་འཚོལ་བར་ཕྱིན། ཁོ་གྲོད་པ་ཧ་ཅང་ལྟོགས་པ་རེད། སྟབས་མ་ལེགས་པ་ཞིག་ལ། ཁོ་ལ་ཁྱི་ཁྱུ་ཞིག་ཐུག་པ་དང་། ཁྱི་དེ་དག་གིས་རྗེས་འདེད་གཏོང་འགོ་བཙུགས། ཁོ་ཞེད་སྣང་སྐྱེད་དེ་དངངས་སྐྲག་གིས་བྲོས་པ་རེད། ཁོས་མགྱོགས་མྱུར་ངང་གོས་འཁྲུད་མཁན་ཞིག་གི་ཁང་པའི་ནང་འཛུལ། ཁོ་རང་ཉིད་ཡིབ་ཐབས་བྱེད་སྐབས། ཁྱི་སྤྱང་འདྲེད་བརྡར་ཤོར་བ་དང་། གོས་འཁྲུད་མཁན་གྱིས་གོས་ཚོས་རྒྱག་ཕྱིར་ཚོན་སྔོན་པོ་བླུགས་པའི་ཆུ་གཞོང་ནང་ ལྷུང་།

ཁྱི་ཡི་ཟུག་སྐད་རྒྱུན་ཆད་མ་ཐག ཁྱི་སྤྱང་གིས་ཆུ་གཞོང་ནས་ཕྱིར་མཐོན། ཁང་པའི་རྩིག་སྡེབ་ཏུ་ཤེལ་སྒོ་ཆེན་པོ་ཞིག་བཅངས་ཡོད་པ་རེད། ཁྱི་སྤྱང་གིས་རང་ཉིད་ཤེལ་སྒོའི་ནང་དུ་མཐོང་རྗེས། ཁོའི་གཟུགས་པོའི་ཚོན་མདོག་སྔོན་པོ་ཡིན་པར་ཧང་སངས་པ་རེད། ཁོས་ཁང་པའི་ཕྱིར་ཐོན་ཏེ། མགྱོགས་མྱུང་ངང་ནག་གསེབ་ཏུ་ཕྱིར་རྒྱུགས་ཕྱིན། ཁ་ཁུ་ཌར་མ་ནག་གསེབ་ཏུ་སླེབས་དུས། སེམས་ཅན་ཚང་མས་སྲོག་ཆགས་གསར་པ་འདི་ངོ་ཤེས་མ་ཐུབ་པ་རེད། དེ་ལས་ལྡོག་ཏེ། ཁོ་ཚོ་ཞེད་ཐག་ཆོད་ནས་ཕྱོགས་གང་སར་བྲོས་ཕྱིན།

ཁྱི་སྤྱང་གིས་གནས་སྟངས་དེ་ཁེ་ཕན་དུ་བླངས་ཏེ། གནས་སྟངས་དེ་ཁོ་རང་གི་ཕན་གྲོགས་སུ་ཉར་རྒྱུའི་འཆར་གཞི་གཏིང་པ་རེད། ཁོས་ ’ཁྱོད་ཚོ་ག་རེ་བྱས་ནས་འདི་ལྟར་བྲོས་བཞིན་ཡོད། དེར་འཇིགས་སྣང་སྐྱེད་དགོས་མེད། ང་ནི་དཀོན་མཆོག་གི་དམིགས་གསལ་བཟོས་པ་ཞིག་ཡིན། ཁོང་གིས་ནགས་ཚལ་འདིར་ཁྲིམས་མིན་འདུག་ཅེས་ང་ལ་གསུངས་པ་མ་ཟད། ཁོང་གིས་ང་རང་ཁྱོད་ཚོའི་རྒྱལ་པོར་བསྐོས་བྱུང་། ཁོང་གིས་ང་ལ་ཁ་ཁུ་ཌར་མ་ཞེས་མིང་བཏགས་ཏེ། ང་ལ་ནགས་ཚལ་འདིར་དབང་སྒྱུར་དགོས་ཤེས་བཀའ་གནང་སོང་། དེར་བརྟེན། ཁྱོད་ཚོ་ཚང་མ་ངའི་སྲུང་སྐྱོབ་འོག་ཉེན་མེད་དུ་འཚོ་ཆོག’ ཅེས་བཤད་པ་རེད།

བཅོས་ལྷད་མེད་པའི་སེམས་ཅན་དག་ཁྱི་སྤྱང་གི་མགོ་བདེ་པོར་ཡིད་ཆེས་ནས། ཁོ་རྒྱལ་པོར་ཁས་བླངས། ཁྱི་སྤྱང་གིས་སེང་གེ་ཁོའི་བློན་ཆེན་དང་། སྟག་ཁོའི་མཛོད་གཉེར། སྤྱང་ཀི་སྒོ་སྲུང་བཅས་སུ་བསྐོས་པ་རེད། སེམས་ཅན་ཚང་མ་གནས་སར་བགོ་བཤའ་བརྒྱབ་རྗེས། རྒྱལ་པོ་གསར་པ་ཁ་ཁུ་ཌར་མ་ཡིས་རང་ཉིད་ངོ་རྟགས་ཆོད་དོགས་ཀྱིས་ཁྱི་སྤྱང་ཚང་མ་ ནགས་ཚལ་ནས་རྒྱང་འབུད་བཏང་བ་རེད། ད་ནས། སེམས་ཅན་རྣམས་ཀྱིས་ཟས་རྔོན་ནས་རང་ཤེས་ཅན་གྱི་རྒྱལ་པོར་ཁྱེར་ཡོང་གི་ཡོད། ཁོའི་སྐལ་བ་ཁྱེར་རྗེས། རྒྱལ་པོས་ཟས་ལྷག་མ་རྣམས་ཁོ་པའི་མངའ་འོག་ཚང་མར་ཆ་སྙོམས་ཀྱིས་བགོ་ཡི་ཡོད། འདི་ལྟར། ཁོས་རྒྱས་སྤྲོས་ཀྱི་ཚོ་བར་ཞུགས་པ་རེད།
ཉིན་གཅིག། ཁྱི་སྤྱང་གིས་ཁོའི་ཁྱམས་རར་ལང་སྡད་བཞིན་པའི་སྐབས། ཁྱི་སྤྱང་ཁྱུ་ཞིག་གིས་ངུ་སྒྲ་སྒྲོག་བཞིན་མདུན་ཕྱོགས་ནས་ཕྱིན་པ་རེད། དེ་མ་ཐག་ཁྱི་སྤྱང་སྔོན་པོས་ཁོ་པ་རྒྱལ་པོ་ཡིན་པ་ལས་ཁྱི་སྤྱང་དཀྱུས་མ་ཞིག་ མིན་པ་བརྗེས་པ་རེད། ཁོ་པའི་རང་བཞིན་གྱི་བག་ཆགས་ལ་ཚོད་འཛིན་བྱེད་མ་ཐུབ་པར། ཁ་ཁུ་ཌར་མས་རང་གི་ངུ་སྒྲག་མཁའ་ལ་བསྒྲགས་པ་རེད། དེ་མ་ཉིད་དུ། སེམས་ཅན་རྣམས་ཀྱིས་ཁྱི་སྤྱང་གིས་ཁོ་ཚོར་མགོ་སྐོར་བཏང་ཡོད་པ་ཤེས་པ་རེད། སེམས་ཅན་ཚང་མ་ཁོང་ཁྲོ་རབ་ཏུ་འབར་ཏེ། དུས་གཅིག་ཏུ་ཁྱི་སྤྱང་ལ་རྡོག་རྒྱག་ཞུས་ཏེ་བསད་པ་རེད།

ཆར་དུས་བསླེབས་སོང་།

ཆར་དུས་བསླེབས་སོང་
སྔོན་རྩའི་སྐོམ་པ་སེལ་བའི་དགའ་ལྷང་ལྷང་
ཆར་དུས་བསླེབས་སོང་
ཡུལ་ལྗོངས་ལ་སྣུམ་ཞག་ཚིལ་ཚིལ།
ཆར་དུས་བསླེབས་སོང་
གང་སར་ཆུ་མོའི་ཤང་ཤང་གི་དབྱངས་རྟ་ཆིལ་ཆིལ་

དྷ་སའི་ཆར་དུས་དང་སྤྲང་འཁྱམས་པ།

འོན་ཏེ། དྷ་རམ་ས་ལར
ཆར་དུས་བསླེབས་སོང་
ལམ་ཆུང་རྣམས་ཆུ་ཡུར་དུ་གྱུར་ཏེ་རྡོ་རུབ་རུབ་
ཆར་དུས་བསླེབས་སོང་
གོས་རྣམས་ལ་ཧམ་དྲི་ཐུལ་ཐུལ་
ཆར་དུས་བསླེབས་སོང་
ཁང་པའི་བརླན་བཤེར་གྱི་དྲི་ངན་གྱིས་མགོ་འཐོམ་འཐོམ་
དེས་ན་
ཆར་དུས་བསླེབས་སོང་
འདག་རྫས་མ་ཉོས་དྲི་ཞིམ་ཉོས་དང་
ཆར་དུས་བསླེབས་སོང་
ཀོ་ལྷམ་བཞག་སྟེ་སིལ་ལྷམ་གྱོན་དང་
ཆར་དུས་བསླེབས་སོང་
ཁ་པར་རུམ་དུ་བཅུག་སྟེ་ཆར་གདུགས་ལག་ཏུ་ཐོག་དང་
འདི་ནི་དྷ་སའི་ཆར་དུས་
ཐོ་སྒང་སྤྲང་འཁྱམས་པའི་འཚོ་བ་
རྒྱབ་ཕྱོགས་ཀྱི་གངས་རི་ལ་ཟུར་མིག་ཅིག་བལྟས་ཏེ་
ཧམ་དྲི་ཐུལ་ཐུལ་གྱི་ལྭ་བ་དེ་སླར་ཡང་གྱོན་རྗེས་ཁ་ཉིན་ཉོས་པའི་དྲི་ཞིམ་སྟེང་འོག་ཡོངས་ལ་ཐེངས་གཅིག་ལེགས་པར་གཏོར་པ་དང་
རེ་བ་ཞིག་གི་རྗེས་སུ་མུ་མཐུད་བཞུད་

ཕྱི་ལོ་ ༢༠༡༤ ལོའི་རྒྱལ་སྤྱིའི་རྐང་རྩེད་སྤོ་ལོའི་འགྲན་བསྡུར་འཇར་མན་ཎི་ལ་ཐོབ་འདུག

ད་རང་ཞོགས་པ་ཚོུད་བཅུ་གཉིས་དང་ཕྱེད་ཀའི་ཐོག་རྒྱལ་སྤྱིའི་རྐང་རྩེད་སྤོ་ ལོའི་འགྲན་བསྡུར་གྱི་མཐའ་མའི་རྒྱལ་ཕམ་རྩེད་འགྲན་དེ་འགོ་བཙུགས་ཤིང་། དེའང་བཞད་མ་སྐད་གྲགས་ཅན་ཤཱ་ཀི་རཱ་སོགས་འགའ་ཞིག་གིས་ཁྲབ་སྟོན་དང་སྦྲགས་འགོ་ འཛུགས་ཞུས་འདུག
ཐེངས་འདིའི་མཐའ་མའི་རྩེད་འགྲན་པ་རྒྱལ་ཁབ་གཉིས་ནི་འཇར་མན་ཎི་དང་ཨར་འཇན་ ཊི་ནཱ་ཡིན་ཞིང་། རྩེད་འགྲན་པ་གཉིས་ཀྱིས་རྩེད་མོ་ཧ་ཅང་གི་འཁྲུག་པོ་རྩེད་ཡོད་པ་དང་། རྒྱལ་སྤྱིའི་རྐང་རྩེད་སྤོ་ལོའི་འགྲན་ཚོགས་འདི་ལྟ་བུ་ལོ་ལྔ་རེར་ཐེངས་གཅིག་ ལས་འཚོགས་ཀྱི་མེད་པར་བརྟེན། རྩེད་རྭར་ཡོད་པ་དམངས་ཙམ་མ་ཟད་ཡུལ་ཕྱོགས་གང་ས་ནས་གཟུགས་མཐོང་བརྙན་འཕྲིན་ བརྒྱུད་དགའ་སྣང་དངས་སྐྲག་ཆེན་པོས་བལྟ་ཡི་ཡོད་ལ། སྐབས་རེར་ཁོ་ཚོས་རྩེད་མོ་བ་དང་དེ་འབྲེལ་གྱི་ལས་མི་དང་རྒྱལ་ཁབ་དེ་ཁོངས་ གཏོགས་ལས་ཀྱང་དགའ་འཚོར་དང་དངས་སྐྲག་སོགས་ཆེ་བ་བྱེད་པར་བསྣངས།

ཇར་མི་ཎི་ཡི་ཨང་གྲངས་བཅུ་དགུ་པ་མེ་རཱིཡ་གྷོ་ཛཱི།(Mario Goetze of Germany) 

ད་དུང་ཁོ་ཚོས་རང་ཉིད་ཀྱི་དཔལ་འབྱོར་གྱི་གནས་བབས་དང་བསྟུན་ཏེ་རང་སོ་སོའི་ དགའ་ཕྱོགས་སྟེང་རྒྱན་ཕྲན་བུའང་འཇོག་གི་ཡོད་ལ། རང་སོ་སོའི་གྲོགས་པོ་དང་ལས་རོག་སོགས་དེ་དགོང་དེར་མཉམ་འཛོམས་ཀྱིས་དམིགས་གསལ་ ཟ་མཐུང་གི་མཚན་ཚོགས་ཤིག་གོ་སྒྲིག་བྱས་ཏེ་རྩེད་མོ་དེར་བསུ་བ་དང་དགའ་སྐྱེལ་ བྱེད་མཁན་ཡང་མང་པོ་ཡོད། དེར་བརྟེན། བཟང་ཕྱོགས་ནས་བཤད་ན། སྙན་གྲགས་ཅན་གི་རྩེད་འགྲན་དེས་མི་དང་མི་བར་གྱི་མཐུན་འགྲིལ་དང་འབྲེལ་ལམ། རང་རང་གི་གནས་སྟངས་སོགས་ཕྱོགས་མང་པོ་ཞིག་ལ་ཕན་ཐོག་བསྐྲུན་གྱི་ཡོད་པ་གསལ་པོ་ ཡིན། འོན་ཀྱང་། ངན་ཕྱོགས་ཀྱང་མེད་པ་མིན་ནའང་དེ་ནི་ཧ་ཅང་ཆུང་ཆུང་དང་གནས་སྐབས་ཙམ་ཞིག་ཡིན་ ནའང་། མེ་སྟག་གཅིག་གིས་ཡུལ་ལུང་སྲེག་ཅེས་པའི་སྔར་གཏམ་བཞིན་མི་དང་མིའི་དབར་བསམ་ ཕྱོགས་མ་མཐུན་པ་དང་། ཚིག་བེད་སྤྱོད་བྱེད་སྟངས་མ་འགྲིག་པ། སེམས་གུ་ཡང་པོ་མེད་སོགས་ཀྱིས་མ་སྐྱིད་པའམ་རང་ཤི་རྒྱག་པ་ལྟ་བུ་ཕྲན་བུ་ཕྲན་ བུ་ཡོང་གི་ཡོད་ན། ང་ཚོས་རྩེད་འགྲན་ཚོགས་པའི་དམིགས་ཡུལ་དང་རྩེད་མོ་དེ་རིགས་ཀྱི་དགོས་དམིགས་ སོགས་སེམས་ལ་བཞགས་ཏེ་ལོངས་སུ་སྤྱོད་རྒྱུ་ཤིན་ཏུ་གལ་ཆེ།
གང་ལྟར། སྤྱི་ལོ་ ༢༠༡༤ ལོའི་རྐང་རྩེད་སྤོ་ལོའི་རྒྱལ་ཁ་དེ་འཇར་མན་ཎི་ལ་ཐོབ་ཡོད་ཅིང་། དེའང་རྩེད་མོའི་དུས་ཚོད་དངོས་ནང་རྒྱལ་ཕམ་དབྱེ་མ་ཐུབ་པར་དུས་ཚོད་འཕར་མའི་ནང་ ཇར་མི་ཎི་ཡི་ཨང་གྲངས་བཅུ་དགུ་པ་མེ་རཱིཡ་གྷོ་ཛཱི་ཡིས་མི་རྣམས་ཡིད་དབང་འཕྲོག་ དགོས་པའི་འཕྲེད་ནལ་གྱི་རྡོག་རྒྱག་གཅིག་གིས་སྤོ་ལོ་འཛུལ་ཏེ་མཐར་རྒྱལ་ཁ་འཇར་མན་ཎི་ལ་ཐོབ་འདུག

༄༅། སངས་རྒྱས་བཅོམ་འདས་ཀྱི་གསུང་གི་བདུད་རྩི།

༄༅། སངས་རྒྱས་ཀྱི་གསུང་དབྱངས་ཀྱི་བདུད་རྩི་ལས་གྲུབ་པའི་ཚིག་གི་ཕྲེང་བཅད་ཅིག་ཡིད་ལ་ལྷག་པར་ཐད་བས། དབང་མེད་དུ་འབྲི་བར་ཐལ་བ་ནི་འདི་ལྟ་སྟེ།

འདམ་ལས་སྐྱེས་ཀྱང་འདམ་གྱི་དྲི་མ་མེད་པ།

ཐུབ་རྣམས་སྡིག་པ་ཆུ་ཡིས་མི་འཁྲུ་ཞིང་།
འགྲོ་བའི་སྡུག་བསྔལ་ཕྱག་གིས་མི་སེལ་ལ།
ཉིད་ཀྱི་རྟོགས་པ་གཞན་ལ་སྤོ་མིན་ཏེ།
ཆོས་ཉིད་བདེན་པ་བསྟན་པས་གྲོལ་བར་མཛད། །

ཀུན་གཟིགས་པཎ་ཆེན་རིན་པོ་ཆེའི་འཁྲུངས་སྐར་ལ་བཀྲིས་བདེ་ལེགས་ཞུ།།

༸ཀུན་གཟིགས་པཎ་ཆེན་རིན་པོ་ཆེ་ལགས།

མི་རིགས་ཀྱི་བླ་སྲོག་དང་འགྲེལ་བའི་ཁྱེད་ཉིིད།

དར་དམར་གྱི་སྡུག་རྩུབ་འོག་མི་རིགས་ལ་ཕྱོགས་པའི་ཁྱེད་ཀྱི་ཐུགས།

གང་དུ་ཡོད་དམ་་་་་

 གང་དུ་ཡོད་དམ།

དེ་རིང་ནི་ཁྱེད་ཉིད་ཀྱིས་དཀའ་སྡུག་ལ་ཞུམ་པ་མེད་པར་མི་རིགས་ཤིག་གི་ཡུལ་སྲོལ་གོམས་གཤིས་མི་ཉམ་སོར་གནས་དང་དུས་རབས་དང་འཚམས་པའི་རང་དབང་སླད་འཐབ་རྩོད་མུ་མཐུད་ཆེད་དང་། མདོར་ན་འགྲོ་བ་སྡུག་གི་རྒྱ་མཚོ་ལས་འགྲོལ་ཆེད་མཁའ་བའི་ལྗོངས་སུ་སླར་ཡང་སྐུ་བལྟམས་པའི་ཉིན་ཏེ། ཁྱེད་ཀྱི་འཁྲུངས་སྐར་ལ་བཀྲིས་སྨོན་ཚིག་ཞུ་བཞིན་མཆིས།

 ཁྱེད་ཉིད་ཀྱི་འཁྲུངས་སྐར་ལ་འཚམས་འདྲིའི་བཀྲིས་བདེ་ལེགས་ཞུ།

འོན་ཀྱང་དེ་དག་གི་ཞལ་རས་ལས་རྣམ་པ་གཉིས་དུས་གཅིག་ཏུ་མངོན་པ་ནི་དགའ་སྐྱོ་ཟུང་ཏུ་འབྲེལ་བ་དེ་རེད་ཡཱ།

༸ཀུན་གཟིགས་ལགས།

ལོ་ངོ་དེ་དག་ནང་ཁྱེད་ཉིད་ལ་དམར་པོ་རིང་ལུགས་ཀྱི་ལྟ་ངན་སོགས་བཅུག་ཐབས་བྱས་ཡོད་སྲིད་ཀྱང་། སྐུ་ཉིད་ནི་སྐྱེས་རབས་ནས་སྐྱེས་རབས་་བརྒྱུད་གཞན་ཕན་དང་བྱམས་བརྩེའི་བདུད་རྩིས་བྱང་བའི་སངས་རྒྱས་དངོས་ཏེ། ཤ་ལུས་ཚལ་བུར་འཐོར་ཀྱང་ལྟ་གྲུབ་འདི་དོར་མི་སྲིད་པ་འགྲོ་བ་ཡོངས་ལ་ཡིད་ཆེད་ཡོད།

འོན་ཏེ། ཁྱེད་གང་དུ་ཡོད་དམ་་་།

འགྲོ་བ་ཡོངས་ཀྱི་མུན་ནག་ལ་དཀར་གསལ་ཟླ་བ་དང་དྲོ་ཞིང་འཇམ་པའི་ཉི་འོད་གཉིས་ལྷན་འཛོམས་ཀྱིས་འགྲོ་བའི་མུན་པ་སལ་བར་རེ་འགུག་བྱེད་བཞིན་མཆིས།

བླ་མ་ལགས། ཁྱེད་ཀྱི་འཁྲུངས་སྐར་ལ་སླར་ཡང་འཚམས་དྲི་དང་སྦྲགས་མི་རིང་ལྷན་འཛོམས་ཡོང་བར་སྨོན་་་

དྲན་གདུང་གིས་མནར་བའི་མཐོ་སྒང་གི་སྤུན་ཟླས་ "ང་ཚོ་ཚང་མ་ཁ་བ་རི་བོའི་ལྗོངས་འདིར་སྐྱེས་པའི་ཤ་ཁྲག་གཅིག་པའི་མི་རིགས་ཤིག་ཡིན་ལ། ནང་པའི་ཆོས་ཀྱི་རྗེས་འབྲང་པ་ཤ་སྟག་ཡིན་པས། ང་ཚོས་མི་རིགས་ནང་ཁུལ་གྱི་མཐུན་སྒྲིལ་དམ་ཟབ་བྱ་དགོས། མི་རིགས་རང་ཉིད་ཀྱི་སྐད་ཡིག་བརྒྱུད་འཛིན་དང་དར་སྤེལ་གཏོང་དགོས། ང་ཚོས་བོད་མི་རིགས་འདི་ལོ་ངོ་སྟོང་ཕྲག་མང་པོའི་ལོ་རྒྱུས་ལྡན་པའི་འཛམ་གླིང་གི་མི་རིགས་གཞན་དག་དང་གཅིག་མཚུངས་ཡིན་པ་ལས་རྗེས་ལུས་ཀྱི་མི་རིགས་ཤིག་གཏན་ནས་མིན། མིའི་སྤྱི་ཚོགས་འཕེལ་རྒྱས་བྱུང་པའི་བརྒྱུད་རིམ་ཁྲོད་རང་རེའི་མེས་པོ་རྣམས་ཀྱིས་ཀྱང་འོད་སྟོང་འབར་པའི་བསལ་བློ་དང་དངོས་པོའི་དཔལ་ཡོན་གཞལ་དུ་མེད་པ་ཞིག་བསྐྲུན་ཡོད་པས། ང་ཚོ་བོད་རིགས་སློབ་མ་རྣམས་ཀྱིས་ངེས་པར་དུ་མི་རིགས་རང་ཉིད་ཀྱི་ལོ་རྒྱུས་དང་རིག་གཞུང་གཙོ་འཛིན་བྱེད་དགོས།" སོགས་ཁྱེད་ཀྱི་གསུང་གི་འདུད་རྩི་འདི་ཐེངས་ཤིག་དབང་མེད་དུ་བཀླགས་པར་ཐལ།          

 ༸པཎ་ཆེན་ལགས

༄༅། ཕྲུ་གུ་ཆུང་ཆུང་གི་རི་མོའི་སྒྲུང་དེབ་རྩོམ་སྒྱུར་གྱི་རྨང་གཞིའི་འཆར་བཀོད་རབ་ཟིན་ཐུང་ངུ།

༡། རི་མོའི་སྒྲུང་དེབ་ཀྱི་རྨང་གཞིའི་རྩོམ་སྒྱུར་རྒྱུ་ཆ་ཕྱོགས་བསྡུ་དང་ལོ་ཚད་ཀྱི་ཚད་གཞི།

དེང་གི་ཕྲུ་གུའི་དགའ་ཞེན་དང་མཚམས་པའི་རི་མོའི་སྒྲུང་དེབ་དང་གཟུངས་མཐོང་རི་མོའི་སྒྲུང་ཕྱོགས་བསྡུས་བྱེད་དགོས། དེའི་ཆེད་དུ་བོད་སློབ་ཆེ་ཁག་འགའ་ཞིག་གི་དཔེ་མཛོད་ལས་སློབ་ཕྲུག་གིས་རི་མོའི་སྒྲུང་དེབ་མང་ཤོས་གང་དང་གང་གཡར་ཡོད་པའི་ཐོ་གཞུང་དང་། སློབ་ཕྲུག་རང་གི་དགའ་མོས་སོགས་ལ་མཉམ་ཞིབ་བྱ་དགོས་པ་དང་གཅིག། གཉིས་པ་གཟུངས་མཐོང་རི་མོའི་སྒྲུང་གང་དང་གང་བལྟ་བར་དགའ་མོས་ཡོད་པ་བཅས་ལ་ཉུང་ཐར་ཟླ་གཉིས་ལ་མཉམ་ཞིབ་བྱ་རྒྱུའི་ལས་གཞི་བརྩོམ་རྒྱུ་ནི་ལས་དོན་གལ་ཆེན་འདིའི་གོམ་པ་དང་པོ་དེ་ཡིན། གོང་གི་མཉམ་ཞིབ་ཀྱི་དོན་ཚན་གཉིས་པའི་བྱེད་ཕྱོགས་ནི། ཕྲུ་གུ་ལོ་ ༨ ནས་ ༡༥ བར་གྱི་ཕ་མ་རྣམས་ལ་རང་རང་གི་ཕྲུ་གུས་གཟུགས་མཐོང་རི་མོའི་སྒྲུང་གང་དང་གང་བལྟ་བར་དགའ་པོ་བྱེད་ཀྱི་ཡོད་སྐོར་བཀའ་འདྲི་བྱས་ཏེ། དགའ་མོས་བྱེད་ཡུལ་གྱི་རི་མའི་སྒྲུང་གི་མིང་དང་ཕྲུ་གུའི་ལོ་ཚད་བཅས་འབྲི་དགོས་པ་དང་། རི་མོའི་སྒྲུང་དེ་རིགས་ཀྱི་བརྙན་ཕབ་རག་ཐབས་ཀྱང་བྱེད་དགོས། ངས་འདིར་རི་མོའི་སྒྲུང་གི་མིང་དང་ཕྲུ་གུ་སོ་སོའི་ལོ་ཚད་འབྲི་དགོས་ཅེས་བཤད་དགོས་པ་ནི། རྗེས་སུ་ལོ་ཚད་དང་མཐུན་པར་རྩོམ་སྒྱུར་བྱེད་སྐབས་ཕན་ཐོག་ཆེན་པོ་ཡོང་ངེས། གང་ལ་ཞེས་ན། འདས་ཟིན་ལོ་གསུམ་གྱི་ཟབ་སྦྱོང་གི་རྒྱུད་རིམ་ནང་སློབ་མ་མང་པོ་ཞིག་དང་མཉམ་གཤིབ་ཀྱི་རྒྱུད་རིམ་དངོས་ནང་། 'སློབ་ཕྲུག་ལོ་ཚད་གཅིག་མཚུངས་ཀྱི་བསམ་བློའི་གོ་རྟོག་ལ་ཁྱད་པར་ཡོད་པའམ། ལོ་ཚད་ཀྱི་ཁྱད་པར་ཆེན་པོ་ཡོད་རུང་། ལོ་ཚད་ཆུང་བའི་བསམ་བློའི་གོ་རྟོག་མཐོ་བ་ཡོད་པ་'སོགས་ཀྱི་མཐོང་ཚུལ་བྱུང་མྱོང་། དཔེར་ན། གཟུགས་མཐོང་རི་མའི་སྒྲུང་(doreamon is a Japanese manga series created by Fujiko Fujio) ལྟ་བུ་ནི་ཕྲུ་གུ་ལོ་ ༤ ནས་ ༡༤ བར་གྱི་བསམ་བློའི་གོ་རྟོག་གཞིར་གཟུང་ཡོད་པ་དང་། (Power Ranger-4 to 11 intro - YouTube. Subscribe 1,623. Top CommentsPower Rangers is a long-running American entertainment and merchandising franchise built around a live action children's television series, Tarzan-10 to 12 age group etcs) ལྟ་བུ་ནི་ལོ་ ༧ ནས་ ༡༥ བར་གྱི་ཕྲུ་གུ་(བུར་དམིགས་པ།)ལ་དམིགས་པ་ཡིན་རུང་། ང་ཚོ་སྤྱི་ཚོགས་ནང་ཕྲུ་གུའི་ལོ་ཚད་ལ་སྤག་པའི་དགའ་ཞེན་དང་བསམ་བློའི་གོ་རྟོག་རྒྱ་གར་གྱི་བརྟན་འབེབས་ལོ་ཚད་དང་ཞིབ་བསྡུར་བྱས་ན་ཁྱད་གང་ཙམ་ཡོད། དེར་བརྟེན། ལོ་ཚད་གཞི་རྩར་བྱས་ཏེ་རྩོམ་སྒྱུར་ཚད་གཞི་བརྟན་འབེབ་བྱེད་དགོས།

༢། སྒྲུང་རྩོམ་གྱི་གནས་རིམ་གཏན་འབེབ་དང་རྩོམ་སྒྱུར་གྱི་ལས་གཞི་དངོས།

བྱིས་སྒྲུང་གི་རྒྱུ་ཆ་གང་ཞིག་གཏན་འབེབ་བྱས་རུང་དེར་ངེས་པར་དུ་ཚང་དགོས་པའི་ནང་དོན་གལ་ཆེ་འགའ་ཞིག་ཡོད་དེ། དང་པོ། ནང་དོན་གོ་སླ་ཞིང་། གནས་འབབ་གང་འདྲ་ཞིག་གླེང་རུང་དེ་རང་དུ་ཡག་སྡུག་གི་མཇུག་སྡོམ་དངོན་རྒྱུ་ཡོད་པ་དང་། གཉིས་པ། སྒྲུང་ཐུང་ཞིང་། སྒྱུ་འཕྲུལ་གྱི་ཉམས་ལྡན་དགོས། འོན་ཀྱང་། ཚིག་རྒྱན་རྣམས་ཕྲུ་གུ་གང་དེའི་ལོ་ཚད་དང་མཚམས་པ་མ་ཟད། འཚོ་བ་དངོས་ནང་མཐོང་ཐོས་སྤྱོད་གསུམ་དང་ཐག་གང་ཉེ་བྱེད་ཐུབ་པ་བཅས་ཚང་དགོས། མདོར་ན། སྒྲུང་འགོ་བཙུགས་པ་དང་རྨི་ལམ་གྱི་ཞིང་དུ་ཁྲིད་ཐུབ་པ་བྱེད་དགོས་པ་དང་། རྨིན་ལམ་གྱི་ཞིང་ནས་ཕྱིར་ལོག་མ་ཐུབ་སྔོན་ནས་སྒྲུང་རྫོགས་པའི་རྒྱུ་རྩལ་ལྡན་དགོས།

གོང་གི་མ་གཞི་གཉིས་རྩ་བར་འཛིན་ཏེ་སྒྱུར་རྩོམ་གྱི་ཁ་ཕྱོགས་དང་ཚད་འཛིན་གཏན་འབེབ་བྱེད་དགོས་པ་དང་། ཕྱོགས་གཞན་ཞིག་ནས་ཉམས་ཞིབ་ཀྱི་འགྲུབ་འབྲས་ལ་ཞིབ་ཏེ་ནང་དོན་རྒྱུ་ཆ་འདེམས་སྒྲུགས་ཀྱིས་སྒྲུང་རྩོམ་གྱི་ལས་གཞི་དངོས་སུ་འགོ་འཛུགས་དགོས། དེའང་རྩོམ་སྒྲིག་སྐབས་རྩོམ་པོ་རང་ཉིད་ཀྱི་རྩོམ་སྒྱུར་གྱི་བྱང་ཆ་སྟོན་རྒྱུ་མ་ཡིན་པར། རང་ཉིད་ལས་དྲུང་ཞིག་ཡིན་པ་དང་། ཕྲུ་གུ་ཞིག་(བྱེས་སྒྱུང་དེ་དང་མཚམས་པའི་ཕྲུ་གུ་)གིས་ཡིད་དབང་རབ་ཏུ་ཕྲོ་བཞིན་ཡ་མཚན་ཅན་གྱི་རྨིན་ལམ་ཞིག་བཤད་བཞིན་པ་དེ་ཟིན་བྲིས་འདེབས་ཀྱི་ཡོད་པའི་འཚོར་སྣང་ཞིག་གི་ཐོག་ནས་རྩོམ་སྒྱུར་བྱེད་དགོས་པ་མ་ཟད། རྩོམ་པ་པོ་རང་ཉིད་བྱིས་པ་དེ་རིགས་དང་མཉམ་དུ་རྩེད་མོ་རྩེ་དགོས་ལ་ཕན་ཚུན་སྒྲུང་ཐུང་བཤད་རེས་ཀྱང་བྱེད་པའི་རྣམ་སྤྱོད་ཀྱི་རྩལ་ལྡན་དགོས།

ཕྱི་གླིང་པའི་བྱིས་སྒྲུང་ཞིག་སྒྱུར་གྱི་ཡོད་ན། སྒྲུང་རྩོམ་དེའི་ནང་གང་ཡོད་ཇི་མ་ཇི་བཞིན་ཕབ་བསྒྱུར་བྱ་རྒྱུ་དེ་གལ་ཆེ་མ་ཡིན་པར་དེའི་ནང་མི་རིགས་རང་ཉིད་ཀྱི་ཆོས་དང་རིག་གཞུང་ཡུལ་སྲོལ་གོམ་གཤིས་གང་མང་བསྣན་ཐབས་བྱ་རྒྱུ་དང་སྤྱི་ཚོགས་དེའི་བྱིས་པར་དགོས་མཁོ་མ་ཕྱིས་པའམ་མ་རན་པའི་ཁྱད་ཆོད་རིགས་མེད་པ་བཟོ་ཐབས་ལ་འབད་བརྩོན་བྱ་རྒྱུ་ནི་ཤིན་ཏུ་ནས་གལ་ཆེ། དཔེ་མཚོན་ཐག་རིང་པོར་བཞག་མ་དགོས་པར་ང་ཚོ་སྐྱབས་བཅོལ་གནས་ཡུལ་གྱི་རྒྱ་གར་རང་ཉིད་ཀྱི་རི་མོའི་སྒྲུང་དེབ་བམ་རི་མོའི་གཟུགས་མཐོང་སྒྲུང་སོགས་ལས་གསལ་རྟོགས་ཐུབ།

སྲུལ་རྒྱུན་རིག་གཞུང་ངམ་མི་རིགས་རང་ཉིད་ཀྱི་ལྷ་སྒྲུང་རིགས་བྱིས་སྒྲུང་ངམ་བྱིས་པའི་རི་མོའི་སྒྲུང་དེབ་ཏུ་སྒྲིག་སྦྱོར་བྱ་རྒྱུ་ཡིན་ན། དེ་དག་ད་ལྟའི་སྤྱི་ཚོགས་ཀྱི་ཕྲུ་གུའི་རྒྱུན་གཤིས་དང་མཚམས་པར་བྱེད་དགོས་པ་མ་ཟད། སྲུལ་རྒྱུན་རིག་གཞུང་གི་བསླབ་བྱའམ་ལྷ་སྒྲུང་གི་གླེང་གཞི་མ་བརླག་པར། དེ་དག་མཁུ་བསྡུས་ཤིང་། གོ་སླ་བ་དང་། དུས་རབས་འདིའི་རྣམ་པ་དང་ལྡན་ན། རང་བཞིན་གྱིས་བྱིས་པར་རྨི་ལམ་ཞིག་རྨིས་ཏེ། དེ་ལྟ་བུའི་ཁོར་ཡུག་ཅིག་ལེ་བར་འགའ་ཞིག་གི་ཕ་རོལ་ན་མེད་དམ་མཉམ་པའི་འཚོར་བ་སྟེར་ནུས། དཔེར་ན། རྒྱ་གར་གྱི་ལྷ་སྒྱུང་ཧཱ་ནུམན(Hanuman) གྱི་བྱིས་སྒྱུང་རི་མོ་དང་གཟུགས་མཐོང་གཉིས་ཁར་བཟོས་པ་ཁག་ཅིག་གི་རྒྱུ་རྩལ་ནི་དེང་དུས་ཀྱི་བྱིས་པའི་བསམ་བློ་དང་མཐུན་པ་མ་ཟད། གོ་སླ་བའི་བསླབ་བྱ་དང་། གཞི་རྩའི་རྒྱ་གར་མི་རིགས་རང་ཉིད་ཀྱི་སྲོལ་རྒྱུན་དང་ལྡན་པ་དེ་རིགས་ནི་ང་ཚོའི་དཔྱད་གཞིར་འོས་པར་མཐོང་།

༣། ཚོད་བལྟ་དང་ནུས་པ།

དེ་ལྟར་རི་མོ་སྒྲུང་དེབ་རྩོམ་སྒྱུར་བྱས་ཟིན་འཚམས་སློབ་གྲྭ་ཁག་ཅིག་ལ་ཚོད་བལྟ་བྱ་རྒྱུ་དེ་ཡིན། དེའང་སློབ་ཕྲུག་གིས་རི་མོའི་སྒྲུང་རྩོམ་དེ་དག་ག་ཚོད་ཅིག་ཀློག་གི་ཡོད་པ་ཙམ་མ་ཟད། སྒྲུང་དེ་རིགས་ལ་ཐོག་མའི་དགའ་ཞེན་ཇི་ཙམ་ཡོད་པ་དང་། དེ་དག་གི་སྙིང་དོན་ཇི་ཙམ་བཏོགས་ཡོད་པ། དེས་བསླབ་བྱ་གང་སྤྲད་ཡོད་པ་བཅས་ལྟ་ཞིབ་བྱེད་དགོས། གོང་གི་དཔྱད་གཞི་རོབ་བསྡུས་དེ་དག་ལས་ང་ཚོའི་ཐེངས་དང་པོའི་རི་མོའི་སྒྲུང་དེབ་ཀྱི་ལེགས་རྐྱོན་གཉིས་མཐོང་ཐུབ། དེས་ང་ཚོས་ཐེངས་གཉིས་པའི་ལས་རིམ་གྱི་ལམ་བུ་གང་ལས་མུ་མཐུད་མདུན་བསྐྱོད་བྱེད་དགོས་པ་དང་། གོམ་སྔོན་ཏུ་སྤོ་རྒྱུར་སློབ་སྟོན་སྤྲོད་ངེས། དེ་ནི་ཤེས་ཡོན་གྱི་མདོངས་མཆོངས་དངོས་ཡིན་ལ། ང་ཚོའི་མི་རིགས་སྐད་ཡིག་གོང་སྤེལ་ཙམ་མ་ཟད། དེའི་ཁྱབ་ཚད་རྒྱ་ཆེར་གཏང་རྒྱུའི་ལམ་བུ་སྣ་ཚོགས་ཡོད་པ་ལས་གནས་འབབ་དང་མཚམས་པའི་ཐབས་ལམ་ཞིག་ཡིན། (རྗེས་མའི་ནང་མུ་མཐུད་རྒྱུ།)